Santiago eguna eta Andre Maria Zuriaren jaiak

Urtero, uztailaren 25ean, Gasteiz eraldatu egiten da. Blusaz eta neskaz, kalejiraz eta jai-giroaz betetzen dira kaleak. Baratxuri Azokak, garai batean etxeak eta laboreak babesteko balio izaten zuten txirikorda izugarriekin, erakusten du tradizioak bizirik irauten duela, eta txunditu egiten ditu bisitariak.

Handik egun batzuetara, abuztuaren 4an, San Migel dorretik jaisten den Zeledonenek Andre Maria Zuriaren jaiak abiarazten ditu. Arabako baserritarraren sinboloa den pertsonaia jendez gainezka dagoen plazaren aurrean jaisten da eta hasiera ematen die ospakizunez betetako hainbat eguni. Abuztuaren 9ra arte, kontzertuak, antzerkia, artisautza- eta gastronomia-azokak eta jende guztiarentzako jarduerak izaten dira hirian.

Baina Andre Maria Zuriaren jaien mamia, batez ere, kalean bizitzen da: koadrila-giroan, musikan, herri tradizioetan eta hiriko txoko bakoitzean nabarmentzen den kulturan.