Bizi Arabako Errioxa ardoa

Bertako ardoen kalitatearengatik eta tradizioarengatik ezaguna den Arabako Errioxako lurraldeetara sartzeko ate bikaina da Gasteiz. Hiritik kilometro gutxira, mahastitik hasi eta edalontziraino, mahastiek eta upategiek ardoaren prozesua ezagutzeko aukera ematen dute.

Baina Gasteizen ere bizitzen da esperientzia hori. Bertako taberna eta jatetxeek Arabako Errioxako zaporeak ekartzen dituzte, ardoen, dastaketen, uztartzeen eta proposamen gastronomikoen aukeraketa zainduaren bitartez; eta horiek guztiak bertako beste produktu batzuekin osatzen dira, esaterako, Arabako txakolinarekin. Lurraldea, kultura eta gastronomia uztartzen dituen esperientzia da.