Kapritxo bat ehun urtetik gorako gozotegietan

Ibilbide goxoa eskaintzen du Gasteizek bertako gozogintza probatu nahi dutenentzat. Hiriko tradizioa eta artisau-produktuekiko zaletasuna islatzen dute Baskitoek, Neskitek eta gozogintzako beste espezialitate batzuek (goxuak, tututxoek, amonaren turroiak edo arrokek, trufek...). Paregabeak dira oparitzeko, edo Alde Zaharreko eta Zabalguneko establezimenduetan otordu baten urrezko akabua izateko. Espezialitate horiek bertako nortasunaren parte bihurtu dira, eta txunditu egiten dituzte Arabako hiriburua bisitatzen dutenak.