Artea berreginda

Bilboko Berreginen Museoak arte unibertsalaren historiako eskulturarik enblematikoenetako batzuen erreprodukzio fidelak ikusteko aukera eskaintzen du. Mariaren Bihotza eliza neogotikoa zenean dago, eta Venus Miloskoa, Laokoon eta semeak, Samotraziako Garaipena edo Michelangeloren Moises bezalako pieza ospetsuak batzen ditu, bisitariari nazioarteko hainbat museotan jasota dauden obra handiak hurbilduz.

Museotik oso gertu, gainera, Mariaren Bihotza plazako aztarnategi arkeologikoa dago, eta erakunde berak kudeatzen du hura ere; bertan, San Frantzisko komentu zaharraren eta beste egitura historiko batzuen aztarnak aurki daitezke. San Frantzisko auzoaren erdian Bilboko historiaren hainbat etapatara bidaiatzeko aukera ematen duen espazioa da.