Azkuna Zentroa, diseinua eta kultura Bilbon

Bilboko Alondegia zenean dagoen Azkuna Zentroa hiriko kultura-gune dinamiko eta harrigarrienetako bat da gaur egun. Guztiak elkarren artean desberdinak diren Philippe Starckek diseinatutako 43 zutabek eusten duten haren ataurre ikusgarria Bilboko gunerik ezagunenetakoa bihurtu da.

Bertako erakusketa, zinema eta jarduera kulturaletarako aretoez gain, Azkuna Zentroak hiri-terraza atsegina eta euskal diseinatzaileen produktuak eta sorkuntzak aurkitzeko denda zaindua ditu. Hondo gardeneko igerileku ikonikoak, ataurre nagusiaren gainean esekita, kulturaz eta sormenaz ikuspegi askotatik gozatzeko pentsatutako espazioa osatzen du.